سلاجیت کیا ہے اور یہ بنتی کیسے ہے؟
سلاجیت وسطی ایشیا کے پہاڑوں میں پایا جاتا ہے اور پاکستان میں یہ زیادہ تر چترال کے پہاڑوں سے نکالا جاتا ہے۔ کریم الدین بتاتے ہیں کہ سلاجیت بہت سالوں تک مختلف پہاڑوں کے غاروں میں موجود معدنیات اور پودوں کے مرکب سے بنتا ہے۔ جس کے بعد ایک صحیح وقت پر اسے نکال لیا جاتا ہے۔
لیکن اس کو ڈھونڈنے کا عمل اتنا آسان نہیں جتنا سمجھا جاتا ہے۔ بلند و بالا پہاڑوں کے پُر خطر اور دشوار گزار راستوں سے ہوتے ہوئے کریم الدین کے کاریگر سلاجیت ڈھونڈنے سورج نکلنے سے پہلے پہاڑوں کی طرف نکل جاتے ہیں۔ اکثر سلاجیت کی تلاش میں کئی روز بھی لگ جاتے ہیں۔
سلاجیت کو اس کی آخری اور تیار شدہ شکل میں پہنچنے کے لیے دو اہم مرحلوں سے گزرنا پڑتا ہے۔
1۔ بلند و بالا پہاڑ کی چوٹیوں میں اس کی تلاش
2۔ سلاجیت کو صاف یا فلٹر کرنے کا عمل۔
سلاجیت کی تلاش
پہاڑ کی چوٹیوں پر جاکر جس طریقے سے سلاجیت نکالا جاتا ہے، اگر وہ منظر آپ اپنی آنکھوں سے دیکھیں اور آپ کے رونگٹے کھڑے نہ ہوں تو میں آپ کی ہمت کی داد دوں گا۔ کیوں کہ میری بھی کچھ ایسی ہی حالت ہوئی تھی جب ہم چھ گھنٹے کا سفر طے کرنے کے بعد اس پہاڑ کی چوٹی پر پہنچے تھے جہاں سے آپ برف سے ڈھکی ترچ میر کی چوٹی تو دیکھ ہی سکتے ہیں لیکن ساتھ میں آپ کے درمیان موجود وادی کا بھی ایک خوبصورت منظر نظر آتا ہے۔
وادی چترال میں پہاڑوں سے سلاجیت ڈھونڈنے اور نکالنے کے لیے مخصوص لوگ ہوتے ہیں جو علاقے کے چپے چپے سے واقف ہیں۔ کریم جو یہ کام پچھلے 15 سال سے کر رہے ہیں کہتے ہیں کہ ‘سلاجیت کے لیے ہم کچھ گھنٹوں کے سفر سے لے کر کئی کئی دنوں تک کا سفر کرتے ہیں۔’
اور پھر یہی خام مال جو وہ پہاڑوں سے ڈھونڈتے ہیں، شہر میں واپس آکر مخصوص دکانداروں کو بیچتے ہیں جو اسے ایک خاص طریقے صاف کرنے کے بعد آگے بیچتے ہیں۔
یہ لوگ اکثر چار سے پانچ افراد کے گروپ کی شکل میں سفر کرتے ہیں جن میں سے ایک کا کام چائے اور کھانا بنانا ہوتا ہے۔ جبکہ باقی لوگ چوٹی پر رسی کو مضبوطی سے باندھتے اور پکڑتے ہیں۔ اور پھر ایک بندہ اس غار کے اندر اترتا ہے جہاں سے سلاجیت ملنے کا امکانات ہوتے ہیں۔
کریم بتاتے ہیں کہ ‘ہم دوربین سے غاروں میں دیکھتے ہیں جس سے ہمیں یہ نظر آ جاتا ہے۔ جب نزدیک جاتے ہیں تو اس کی مخصوص بُو سے ہمیں پتہ چلتا ہے۔’
اس دوران کریم بڑی مہارت سے پہاڑ کی چوٹی سے رسی کے ذریعے بالکل 90 کے زاویے پر نیچے اترنے لگے۔ اور پھر غار کے اندر اترنے کے کچھ دیر بعد کریم نے اپنے دوستوں کو آواز لگائی کہ سلاجیت مل گیا ہے۔
کریم اس پورے عمل کے بارے میں کہتے ہیں کہ ‘جب بندہ نیچے غار میں اترتا ہے تو نیچے اس کے بیٹھنے کی جگہ ہوتی ہے۔ سلاجیت نکالنے کے بعد بوری میں ڈالتے ہیں اور پھر پہلے اب بوریوں کو اوپر بھیجتے ہیں اور اس کے بعد ہم خود واپس اسی راستے سے رسی کے ذریعے اوپر چلے جاتے ہیں۔’
اس پورے عمل کو تقریباً آدھا گھنٹہ لگا لیکن اس آدھے گھنٹے کے بارے میں وہ کہتے ہیں کہ ‘ اگر رسی باندھتے ہوئے کسی نے گرہ صحیح نہ لگائی ہوئی ہو یا سیفٹی بیلٹ ٹھیک نہ باندھی ہو تو رسی کے کھل جانے کے امکانات زیادہ ہوتے ہیں۔’
تاہم کریم نے کہا کہ شکر ہے کہ آج تک ان کے ساتھ اس طرح کا کوئی واقعہ نہیں ہوا۔
اس جستجو میں انھیں سلاجیت کی مختلف مقدار ملتی ہے۔ وہ کہتے ہیں کہ’ سب سے زیادہ مقدار جو آج تک انھوں نے نکالی ہے وہ 20 من ہے۔ کبھی ایسے بھی ہوتا ہے کہ غار سے کچھ نہیں نکلتا اور وہ خالی ہاتھ واپس آ جاتے ہیں۔’
سلاجیت فلٹر کرنے کا عمل
سلاجیت اس وقت تک پتھر کے اندر ہی ایک خاص مرکب کی شکل میں موجود ہوتی ہے جو یہ کاریگر شہر میں جا کر ان دوکانداروں کو بیچتے ہیں جو اس کی صفائی اور فلٹریشن کا کام کرتے ہیں۔
کریم الدین 1980 سے یہ کام کر رہے ہیں۔
وہ کہتے ہیں کہ ان کے والد صاحب نے سورج کی روشنی میں سلاجیت کو فلٹر کرنے کی شروعات کی تھیں۔ جسے انھوں نے آفتابی سلاجیت کا نام دیا تھا۔
اس عمل میں ان بڑے پتھروں کے، جنھیں پہاڑ سے لایا گیا ہوتا ہے، چھوٹے چھوٹے ٹکڑے کیے جاتے ہیں اور اسے ایک بڑی بالٹی کے اندر ڈال کر ایک خاص مقدار میں پانی ملا کر بڑے چمچ سے ہلایا جاتا ہے تا کہ سلاجیت اچھی طرح سے اس پانی میں گھل جائے۔
پھر کچھ گھنٹے بعد پانی کی سطح سے گندگی کو ہٹایا جاتا ہے۔
سلاجیت
کریم الدین کہتے ہیں کہ ‘ہم اس پانی کو ایک ہفتے تک ایسے ہی رکھتے ہیں۔ اس دوران اس پانی کا رنگ بالکل کالا ہو چکا ہوتا ہے جس کا مطلب ہو تا ہے کہ اب سلاجیت پتھروں سے پوری طرح پانی میں جذب ہو چکی ہے۔’
وہ کہتے ہیں کہ یہ ایک اہم مرحلہ ہوتا ہے جس میں آپ نے اس سلاجیت والے پانی سے باقی ماندہ نقصان دہ ذرات الگ کرنا ہوتا ہے۔
‘عام طور پر لالچ، جلد بازی اور پیسہ کمانے کے چکر میں لوگ اس پانی کو صرف کسی کپڑے میں سے چھان کر اور تین سے چار گھنٹے کے لیے ابالتے ہیں جس سے وہ جلدی گاڑھا ہو جاتا ہے اور اس طرح یہ سلاجیت تیار ہو جاتی ہے مگر اس کے فوائد سے زیادہ نقصانات ہوتے ہیں۔’
سلاجیت کے فوائد ۔
اطبا کی نظر میں سلاجیت کو اعصابی طاقت کے لئے استعمال کیا جاتا ہے۔یہ ہمالیاتی ثقافت کا حصہ بھی ہے ،چونکہ یہ سرد علاقے ہیں اس لئے قدرت نے خود یہاں کے باسیوں کو ایسا قوی الاثرٹانک عطا کیا ہے جو انہیں سردی کی شدت سے بچاتا ہے ۔طب میں اسکو وٹامن سمجھا جاتا ہے۔ اسکی مقدار دو رتی سے زیادہ نہیں لی جاسکتی نہ اسکو متواتر استعمال کیا جاتا ہے۔ سلاجیت کو ہڈیوں کی کمزوری اور پٹھوں کے کھنچاو،شیاٹیکا ،ذیابیطس،عارضہ قلب میں استعمال کیا جاتا ہے۔ یہ پیشاب آور ہے تاہم اسکا سب سے زیادہ فائدہ جنسی اشتہا کے لئے اٹھایا جاتا ہے۔اب تک کی تحقیقات کے مطابق اسکے سائیڈ ایفکٹ نہیں ہیں۔
اصلی سلاجیت حاصل کرنے کے لیے جھایگر سلاجیت مرجنڑ سے واٹس ایپ نمبر پر رابطہ کریں
آ پ اصلی سلاجیت منگوا سکتے ہی
موتریچ اور اس کے حیرت انگیز طبی فوائد۔
Our Work
Jhangir Salajeet Store ka salajeet asli aur behtareen quality ka hai. Istemaal karke mujhe asli taqat aur energy ka ehsaas hua. Har kisi ko recommend karunga!
